أيضاً لكي لا ننسى
( من التراث الشعبي الفلسطيني من سلسله كي لا ننسى ............. كتاب اللي يذوق الطعميه يرجع على الصينيه .... مركز السنابل والمركز الفلسطيني للدراسات )
( الدلعونا ..... يا زريف الطول .... عالروزانا ..... يا هويدلك ............ عاليادي اليادي ..)
على الدلعونا , على الدلعونا نسم يا هوى بلادي الحنونا
هذه بلادي بلاد أمينه الناصرة وطبريا وجبل الزيتونا
***************************************
يازريف الطول الحمص بقلته ثلثين العقل من راسي خلته
ريت المجوز يعدم مرته ويصير المجوز والعزب سوا
*****************************************
علروزانا علروزنا كل الهنا فيها
ويش عملت الخاينه الله يجازيها
************************************
عاليادي اليادي اليادي يا أبو العبيديه
يا جوخ لفصله للحلوة صدريه
يا شوفة شوفتها تخبز على الصاج
وموشحه ع الصدر خرفان ونعاج
لا تزعلي يا سمرا والبيض غناج
والبيض شحم القلب والسمر عيني
يا رايحين على حلب حبي معاكم راح
يا محملين العنب تحت العنب تفاح
كل من وليفه معه وأنا وليفي راح
يا رب نسمه هوى ترد الوليف لي
**************************************
ولنا لقاء مع أغاني الخطبه والزفاف والحنه والزفه
21 يونيو, 2006 09:54 م