أرسلت جدتي هذه الرسالة لي بلغتها البسيطة المحكية في قرانا الأبية متمنيا أن تفهموها كما هي وكما جاءت على لسان جدتي ومع ذلك سأدرج تالياً نصها باللغة الفصحى ليزداد الفهم وتعم الذكرى.
يا إخواني وأولادي .... بتسمحولي أحشيلتشم إخواني وإولادي ... سمعت أنو عندتشم كوانين للإنسان وحكوك أتشثيرة بتعطوها للحيوان ............. وكال في هيومان رايتز ...... ويو إن وعنان ...هذول شو بيعملوا لليوم ؟؟؟؟؟؟؟؟؟؟؟؟؟؟؟؟؟
يا أولادي وإخواني شو يتعرفوا عن جنين وغزة ؟؟؟؟؟؟؟؟؟؟؟؟؟؟؟؟؟؟؟ شو بتعرفوا عن بيت حانون ورفح ؟؟؟؟؟؟؟؟ نابلس وقلقيلية ؟؟؟؟؟ وغيرها من كرانا ومدنا الفلسطينية التشثيرة المهدمه والمعثرة على روس أهلها ؟؟؟؟؟؟؟؟ أه شو بتعرفوا ؟؟؟؟؟؟؟؟؟
هذول مدن عنا ......... مدن بكت حلوة وصارت مدمرة وخراب ............... بكا فيها ناس وولاد .... كال اليهود عنهم إرهاب .. ذبحوهم..... إرهاب ولا شوبعرفني ..... كال إرهابيين كال ........... بتعرفوا ليش ؟؟؟؟؟؟؟؟؟
الجواب ......... أنوا في واحد من العستشر تبعونهم مستشوه أولادنا وخبوه عنا في الدار في غزة في الصحرا ولا في بيارة مش عارفه وين ........... بس ولله أولادنا بيحترموا السجين والأسير ...
وعلشان هيذ ذبحونا وكتلوا أولادنا والبنات لتشبار والزغار بالطيارات والدبابات ومن البحر والجو ومثل ما بكوا يكولوا من زمان ..... ( حرب عالمية ) وبعدين في ثلث ولاد بيلعبوا فطبول كتلوهم وكسفوهم كال طخو عليهم وطيروا إلهم صارخ .... ولكم هذول ولاد زغار بيلعبوا فطبول ما عندهم تلفزيون وما شافوا زيدان ولا فيجو ......خليهم يلعبوا مثل هاظ أبو الشعر والسنان رووو نا مش عارفه اسمه
إباده يا إخواني
وما ظل عنا دوا ........الحتشما عنا ما بيعرفوا يعطونا دوا كال ما في عندهم ......... ليش كطعوا عنا المونه والطرك تشلها مسشرة
وعلى فتشرة همة اللي أخذوا بلادي هاي النجمه الحلوة من زمان ....صدكوني همه الإرهابيين مش إحنا ............ همه المحتليين مش إحنا ............ شردونا يا إخواني من بلادنا تشل واحد منا راح بجهة وما بعرف الثاني وين راح ....إتفركنا
يا إخواني كال في عندتشم حكوك إنسان ونسوان وحيوان ...طيب ليش ما بتعرفوا تبعتونا شويه من عندتشم ولا حرام
والله إحنا جيران من نفس الجرم السماوي مش هيك بتكولوا ...وبكولوا أنو إحنا الفلسطينيين ناس مثلتشم تمام ...ما تخافوا منا ساعدونا حرام .
أمي بتعيط على إخواني وأبوي في بيت لاهيا ...ودار الحجاج وغالية .... وبنتي في جنين بتفتش على مفتاح الدار اللي هدولها إياها في يافا من زمان ..... وراحت بعدين على نابلس تدور على إخواني والله ما لكت ولا واحد فيهم وكالونا أنها راحت عندتشم ...على أشي أسموا أمم متحدة ...وينتا يا خوي أتحدوا هذول ؟؟ معقول في أشي عندتشم مثل هيتش ....طيب شو بيعملوا هذول مع هاي الأمم ؟؟؟؟
وكال في أشي أسمه جامعه ؟؟؟ جامعه عربية ؟؟؟ يعني غير الجامعه العربية اللي ببيروت ؟؟؟؟ يعني ممتشن يطلع منهم إشي ؟؟؟
مش مهم ... بس سمعتوا شو صار عنا هالايام تشل يوم عشرين ولا ثلاثين كتيل بس بنعدهم وبندفنهم والله يرحمهم وبنغنيلهم ... وبنحني أيديهم إذا لكيناهن .... بتشوفوهم على اللي عندتشم هذا الجهاز اللي اسمه تلفزيون بورجوتشم صونا وصور الشهدا ؟؟؟؟
أه حشولي إنتشم بتتفرجوا على الفطبول ..أه أحسن شو بدتشم بسمه هالبدن والبال .... وليش هو أنتوا عارفين شو بصير هان ؟؟؟ وليش تعرفوا بلاش ... بلاش برتفع ضغطتشم وبتوجعتشم روسشم ...ما هو أحسن الغناني والركس ما هي الغناني أفذل وأفيد ...
والله بس جيت أتشب إلتشم ممشن واحد فيتشم بعرف صلاح الدين ولا عمر اللي فتح القدس ولا حتى هذاك شو أسمه مش عارفه أحتشيه ولا ألفظه أسمه صعب علي معتصم صح مش هذا أسمه ...يا إخواني وأولادي دورولي عليهم وإحتشولهم عنا ممتشن يحن كلبهم ويساعدونا ... بصير الله يخليلتشم حكوك الإنسان والنسوان والحيوان .
سامحوني تعبتشم معاي إتشثير ..... شكرا ومع السلامه وإحنا مش راح نستنا إتشثير .....إذا ما لاكيتونا ,,,, ديروا بالتشم على حالتشم .
إلى هنا انتهت رسالة جدتي:
أليكم الرسالة بالفصحى لمن لم يفهم ما جاء بها :
يا إخواني وأولادي ... إسمحوا لي أن أناديكم بإخواني وأولادي ... سمعت أنه عندكم قوانين للإنسان وحقوق كثيرة وكبيرة بتعطوها للحيوان ..قال في هيومن رايتز .... وفي يو إن un وعنان ... هؤلاء ما يفعلون لغاية اليوم .؟؟
يا إخواني وأولادي ... ماذا تعرفون عن جنين وغزة ؟؟؟؟ وماذا تعرفون عن بيت حانون ورفح ..؟؟؟ نابلس وقلقيلية .؟؟؟؟ وغيرها من قرانا ومدننا الفلسطينية الكثيرة المهدمة والمعثرة على رؤووس أهلها ؟؟ أه ماذا تعرفون ؟؟
هذه هي مدن عندنا ...... كانت حلوة وصارت مدمرة وخراب .... كان فيها ناس وأولاد ... قال اليهود عنهم إرهاب ..ذبحوهم .
إرهاب ولا شو بعرفني .... قال إرهابيين قال ؟؟؟ بتعرفوا لماذا ؟؟؟
الجواب ... يوجد واحد من العسكر / الجيش مسكوه أولادنا وأخفوه عندنا في الدار في غزة ولا في الصحراء ولا في بيارة .. مش عارفه وين ؟؟ المهم والله أولادنا بيحترموا السجين والأسير ..
ولهذا ذبحونا وقتلونا وقتلوا أولادنا والبنات الكبار والصغار بالطيارات والدبابات ومن البحر والجو مثل ما كانوا يقولوا من زمان ( حرب عالمية ) وبعدين في ثلاثة أولاد بيلعبوا كرة قدم قتلوهم وقصفوهم قال ظخو عليهم وأطلقوا عليهم صاروخ ... ولكم هؤلاء أطفال صغار يلعبون بالكرة ما عندهم تلفزيون وما شاهدوا زيدان ولا فيجو البرتغال .. خليهم ( اتركوهم ) يلعبون مثل هذا ابو الشعر والأسنان رووو نا ...مش عارفه أسمه ( رونالدينو ) .
إبادة يا إخواني
ولم يبقى لدينا دواء .. الأطباء لدينا لا يعرفون أن يعطونا دواء لأنه قال ما عندهم .... لأنه قطعوا عنهم المؤونه والطرك جميعها مغلقه .
وعلى فكرة هم اللذين أخذوا بلادي هذه النجمه الحلوة من زمان ... صدقوني هم الأرهابيون ولسنا نحن ... هم المحتلين ولسنا نحن ... شردونا يا إخواني من بلادنا كل واحد منا راح بجهه وما بيعرف الثاني وين راح .. تفرقنا .
يا إخواني قال في عندكم حقوق إنسان ونسوان وحيوان ... طيب إبعثوا لنا شوي من عندكم ولا حرام ... ؟
والله نحن جيران من نفس الجرم السماوي أليس هكذا يقال ؟ ويقولون أن الفلسطينيين أناس مثلكم تمام .. ما تخافوا منا ساعدونا حرام .
أمي تبكي على إخواني وأبوي في بيت لاهيا .. ودار حجاج وغالية في غزة ... وبنتي في جنين تبحث على مفتاح الدار الذي هدموه من زمان ف يافا . وراحت بعدين على نابلس تبحث عن إخواني والله ما وجدت أي واحد منهم وقالوا لنا .. أنها ذهبت عندكم على الأرض .. على شيء أسمه أمم متحده .. ومتى أتحدوا هؤلاء يا أخوي ؟؟؟ فهل معقول يوجد عندكم مثل هذا الشيء .... طيب ماذا يعملون هؤلاء بهذه الأمم المتحده . ؟؟؟؟
أه قالوا لي أنكم تشاهدون المونديال ...أه أحسن وهل تريدون سمه بدن وبال ... ولماذا ..هل تعلمون ماذا يحصل لدينا هنا ؟؟؟ ولماذا تعرفوا أو تعلموا ...بلاش ؟؟؟ بلاش يرتفع الضغط ورؤوسكم تؤلمكم .... أحسن الأإاني والرقص ...الأغاني أفضل ومفيده أكثر .
13 يوليو, 2006 12:48 م