اللورد النبيل

أم الحيـــــــــاة فلسطيـــــــن

تستحق الحياة من أجل إعمارها وإرجاعها كما كانت بل وأجمل مما كانت
لأن أرضها أصبحت خصبة بدماء شهدائها البواسل ، فهذا أساس للبنيان الجديد أقوى مما كانت .

رائـــــع ا/ ياسـر

عقبــال يـارب ماتذكــرني

وتكتــب تـاريخ عـودة أهــل

أم الحيـــــــاة... فلسطيــــــن

ما حد نسي عشان يتذكر بس بصراحه ومن دون زعل هما ليش (هربوا) وتركوا فلسطين يعني لو استشهدوا احسن واكرم الهم بلد الشحططه بدول العربية بعدين ماهي لسه في ناس فلسطين بداخل شمعنا هدول ما هروبوا ؟؟؟؟ ماهوا كان عليهم نفس الشي وبهالمناسبة مش عارفه شو الي بصير حزب الله بيقصف ونسيو انه ما بعد حيفا في فلسطينين وهي صار قاتل 5 فلسطينين 3 شباب وطفلين!!!! شو نستنا صاروخ كمان شوي بوسط رام الله؟
اخر شي الحمدلله اني فلسطينية وعشت وربيت بفلسطين مش بي بلد تاني . وان شالله كل الاجئين بصيروا عائدين
سلامي لكل فلسطيني

إيمان حسان

شكرا جزيلا لهذه الكلمات القوية الرائعه

شكرا ولا بد من حياة ولا بد من تعمير ولا بد من فلسطين ولو طال الزمان

حرة حرة حرة فلسطينية
والله اكبر

ودمتم بخير

كاريمان

شكرا للمرور الكريم
وسيكون هناك من يكتب تاريخ العودة وأطال الله أعمارنا لنرى ذلك الزمن وذلك التاريخ

ودمتم بخير

الفلسطينية

شكرا
ولكن هل أنت فلسطينية حقاً ؟؟؟
هل مازلت لغاية الأن لا تعلمين لماذا هاجروا ونزحوا ؟؟؟؟؟؟؟؟ وكيف يوجد هناك فلسطينيون في فلسطين الحتله 1948 ؟؟؟؟ صدقاً ما زلت لا تعلمين .؟؟؟؟ هذه مصيبتنا وهذا أساس كتابتي لعدة مواضيع وكلها أقول فيها لكي لا ننسى ... لنتذكر .... علشان ما ينسى أولادنا وجيلنا الثالث .. فكلامك هذا ما تحتاجه إسرائيل لتقول أن هذا الجيل نسي فلسطين وبلداتها ومدنها وتاريخه وهكذا فهذه الأرض لنا وليست لهؤلاء الذين لا يعرفون شيء عنها ..

أسف أيتها الفلسطينية ولكن إقتضى التنويه .


شكرا
ودمتم بخير

مدونة رائعة اخوي بمعنى الكلمة

وتتكلم عن قضية المفروض كلنا نتكلم عنها

دمت بخير

واتشرف فيك بمدونتي

نبقى أحباب


شكرا للزيارة

وشكرا للتعليق

ودمتم بخير

على فكره انته ما فهمت قصدي بالمره!!!! دقق كمان مره عشان تفهم انا شو بحكي!!! عشان ردك كان باتجاه اخر هلا يعني معقول الي عايش برى فلسطين بيعرف عن فلسطين اكتر من الي عايش فيها؟ مع هيك من غير ما دقق انا بشرحلك قصدي بحكيلك هما ليش هربوا وليش تهجرو ما هوا كان في خيار تاني الي هوا الشهاده والموت بارضهم وغير هيك هي لسه في ناس لليوم بعكا وخيفا ويافا وبيسان و طبريه وسخنين مليان فلسطينية الي بيحكولهم ومش عارفه ليش عرب اسرائيل مع انهم فلسطينية واشرف فلسطينية بقيوا وصمدوا وحافظوا على ارضهم الي بقصده الناس الي هربت اكتره خوف مش تهجير زي الي بصير بلبنان هلا الناس بتهرب من الموت هوا في احلى من الاستشهاد؟ ااشباب بفلسطين بتروحله وبتفجر حالها للاستشهاد كان كلامي عتب على جدادنا الي تركوا ارضهم وراحوا الدول العربية وانته اكيد عارف كيف عيشية الفلسطيني بدول العربيه وكيف العنصريه !!! راجع تعليقك الي رديت عليا فيه وشو لو بعدك مصر عليه . الله معك خيي

فلسطينيتي

شكرا للرد والشرح

ومع هذا فأنا ومثلي مئات الألوف نحيى خارج الأرض الحبيبة ومع هذا يوجد ألوف منا بل أكثر من ذلك بكثير يسطرون التاريخ ويعرفونه كما يعرف الفلاح كم سنبله في حقله .
صديقتي
وبنت بلدي
1948 مش زي 2006
وحرب فلسطين سنه 1948 مش زي حرب 1967 ومش زي حرب 1973 ولا زي 1982 ولا زي 1991 دققي شوي وشوفي كيف كان الجهاد سنة 48 ( الجهاد والقتال ) مش الحرب
كانوا أجدادنا حلوين وطيبين جدا
ولكن كان اليهود ومن ورائهم يحاربون بشراسه وكان في حرب نفسية في فلسطين وفي كل الدول الموجود فيها اليهود لتهجير الطرفين الفلسطينيين خارج فلسطين واليهود من بلدانهم لفلسطين ...سياسة غريبة جدا الله يعينهم عليها ...وليش لغاية اليوم نعتب عليهم ... أنا قبل شهر كنت في القدس وزرت تل أبيب ويافا وشفت أهلنا هناك قديش صامدين وحلوين ... وبعرف ناس كثير من سخنين وحيفا وعكا والرامه وبيت صفافا والمالحه وأبو غوش وغيرها كثير كثير وكلهم فلسطينيين جدا جدا وبعرفوا تاريخهم كثير مع حياتهم ومعيشتهم أكثر من ستين سنه مع المحتل وما زالوا فلسطينيين .. أنا خرجت سنة 1979 وما زلت وكأني لم أخرج منها
وليس شرطا أن يعرف الموجود في فلسطين عنها أكثر ممن يعيش خارجها ولا نضارب على بعض بمحبة فلسطين فكلنا فلسطينيون .وبنحبكم وكلكم أحسن منا ( كل الصامدين المرابطين المجاهدين المقاتلين ) كلكم على روسنا تاج نفتخر به .

شكرا لك والنقاش لا يفسد للود قضية .

شكرا
ودمت بخير

انا والله عارفه انه كان صعب عليهم وقتها كان غير بس عارف مرات بواجهك ناس وانته تحكي بالقضية بيحكولك اه ما انتو يا الفلسطينية خون بعتو ارضكم لليهود وهربتوا ... الله يعين الناس يعني الواحد وقتها صار ويله ارضه ويله ابنه بس اكيد هما ما كانو حاسبين هالحساب انه كل شي يروح منهم بس مع هيك ليش طلعوا برى فلسطين يعني ماهي في بفلسطين نفسها مخيمات ليش طلعوا ؟ والله انا عارفه حرقه قلب الاجئين على فلسطين وحبهم الها مش قصدي انه احنا الي فيها بنحبها اكتر منكم وانتا لسه مبارح قريت صباح الخير يابلادي وشفت اني عارفه شعوركم وحكيتلك لسه قريب في سلامي لاحلى وطن . انا بس استغربت كيف حللت ردي الاول!! باني مش بعرف عن فلسطين ليش الي كتبتها ما كانت سؤال لعدم معرفه كانت سؤال لوم وعتاب وبرجع بقلك ولا عمرنا بننسى لو ذرة تراب من فلسطين , وان شالله بتنورونا برجوعكم القريب اكيد هلا كترو بس حيالله فيكم

بداية شكرا
وثانيا اللاجئين والنازحين على راسي من فوق .
وثالثا وهو المهم أنا لست لاجئاً ولست نازحاً .... أنا خرجت وإحسبيها زي ما بدك سنة 1979 فقط .

وبعدين لازم تجاوبي اللي بقلك أنتوا خون وبعتوها بالجواب الصريح اللي مش وقته الأن على النت سوف أبعثه لك بالايميل إن سمحت لي بمراسلتك .
الجواب مش إحنا اللي بعناها
شكرا وأحبي اللي برة مثل حبك للي جوا للثنين إخوانك وإولادك وإعمامك وإخوالك وكلهم شرفا وحياتك وحياتي وحياة فلسطين كلهم شرفا .
شكرا
ودمت بخير
yaser1956@yahoo.com
www.yjb56.com
yasin2099@hotmail.com
الى لقاء
وسامحونا
وعلى فكرة أمي وأخواني وأهلي كلهم بالقدس صامدون مرابطون .

خلص ولا يهمك كل الموضوع انا ما كنت بقصدك شخصيا يعني عشان شفت علم الاردن
وانك كل قصدك تذكر الناس بفلسطين حلوه الفكره وان شالله لقدام بتكتبلنا عن كل قريه . وانا بحب كل فلسطيني ولا مش واضح بمدونتي؟ الله يحميكم وين ما كنتوا, اما الي بدهم يحكوا هما بيحكوا هيك لان ما بلاقوا جواب عندهم على الي عملوا فينا بتلاقي عشان يطلع من النقاش راح قالها . بقدر جهودك وكتاباتك بتعريف الناس على فلسطين

الفلسطينية

شكرا
للرد
وإن شاء الله بنكتب عن كل قرية ومدينة وحارة

وبعدين ولا يهمك

ودمت بخير

فلسطين أم البدايات
أم النهايات ..
عزيزتي الفلسطينيه ,,
نشكرك
تحياتي

أرتيمس

شكرا لمرورك هنا ولتواصلك معنا ولحواري مع الفلسطينية

شكرا لتعليقك


ودمت بخير

مساء الخير عليكم دورت بالمدن والقرى ما لقيت بلدتي(ديردبوان) قضاء رام الله
ومش عارفه حسب معلوماتي تل أبيب اسمها تل الربيع؟ ((وبابارتشلك هي المكال صار من ازود المكالات شعبية))

حبيت شارك معك بشوية هالمعلومات
مدينة رام الله

تُعد رام الله من المراكز الهامة في الضفة الفلسطينية لما تحتله من موقع متقدم في النشاطات السياسية والإقتصادية والثقافية.
يقع قضاء رام الله بين أقضية نابلس والرملة والقدس وأريحا، بلغت مساحته عام 1945 (680564) كم2، ويضم في أواخر العهد البريطاني مدينتين هما رام الله والبيرة، وكذلك 58 قرية، وبعد نكبة 1948 زادت قرى القضاء إلى 74 قرية، إذ ألحقت به 14 قرية من قضاء الرملة، وبذلك زادت مساحته إلى (800) كم2.
بلغ عدد سكان القضاء عام 1922 حوالي (30005) نسمة، وفي عام 1931 حوالي (39062) نسمة، وفي عام 1945 حوالي (47280) نسمة.
تكثر في القضاء زراعة الزيتون، وقد بلغت مساحة الأراضي المزروعة حوالي (76085) دونماً عامي 1941-1942، ويعد زيت رام الله من أجود أنواع الزيوت، كما يزرع القضاء العنب والبقوليات والحمضيات وبعض الفواكه والخضروات.
كان في قضاء رام الله العام الدراسي 1942-1943 حوالي خمس مدارس للبنات، وعشرين مدرسة للبنين، وارتفع العدد في احصاء عام 1966-1967 إلى 63 مدرسة للبنين، و57 للبنات، و11 مدرسة مختلطة.
يُعتبر قضاء رام الله هو القضاء الفلسطيني الوحيد الذي لم يأخذ منه اليهود أية قرية حتى عام 1967، ففي 14 أيار 1948 انتهى حكم الإنتداب، على القضاء، ودخل بعد الحرب تحت الحكم الأُردني حتى عام 1967، حيث قامت المنظمات الصهيونية المسلحة باحتلال القضاء وكل فلسطين.

أما مركز القضاء مدينة رام الله، فقد أقيمت فوق عدة تلال من جبال القدس تتخللها أودية منخفضة، وتقع إلى الشمال من مدينة القدس، وتبعد عنها حوالي 16 كيلو متراً، وترتفع 860 متراً عن سطح البحر.
يرجع إسمها إلى كلمة (الرامة) بمعنى العالي والمرتفع، و(رام) جذر سامي مشترك يفيد العلو، وتذكر بعض الدراسات أن المدينة تقوم على بقعة (رامتايم صوفيم) وتعني مرتفعات الصوفيين المذكورة في العهد القديم والتي ولد فيها النبي صموئيل.
بلغت مساحة أراضيها (14706) دونمات، وقُدر عدد سكانها عام 1922 حوالي (3067) نسمة، وفي عام 1945 حوالي (5080) نسمة، وفي عام 1967 حوالي (12134) نسمة، وفي عام 1987 حوالي (24772) نسمة، وفي عام 1996 حوالي (20561) نسمة.
ونظراً لكون مدينة رام الله مركزا للقضاء فقد استأثرت بنصيب وافر من مر

ماذا اكتب وماذا اعلق قريبا اختي كل دوله عربية ستكون على هذا الحال .

الفلسطينية

صاروا يخربطوا بينا الأصدقاء
مين صاحب المقال

شكرا أيتها الفسطينية كثيرا لأنك جعلت المقال أكثر شعبية شكرا


وبالنسبة لدير دبوان كما قلت لك هي بالقلب ولي فيها أهل وأحبة ولم ولن أنساها أبداً

أما بالنسبة للمعلومات التي أضقتيها عن رام الله والقضاء ...فأقول لك شكرا شكرا شكرا
ولك مني كل تحية إحترام وإكبار وسلام

الى لقاء
التسميات أصبحت متداخله جدا فالخالصة كريات شمونه وتل الربيع تل أبيب وغيرهما

ودمتم بخير

خليل


شكرا

ولكن لن ولا نتمنى لأي دولة ما وصلنا له
والله المستعان

نتمنى كل الخير للجميع

دمتم بخير

اه ما شالله المقال والمدونه كلها صارت من الاكتر شعبية, وهاد الي بدنا اياه اي شي عن فلسطين ولفلسطين دائما كون بالقمة, و خليل وArtemis
بشكركم انكم دخلتو معانا بالحوار

الفلسطينية

شكرا لك ولمتابعتك المستمرة والحثيثة


شكرا لتفضلك علينا بالرد

وشكرا لكل من يزور مدونتي المتواضعه ويطلع على خربشاتي وهلوساتي

شكرا لخليل وأرتيمس والجميع

ودمتم بخير

www.loaay.tk
شكرا

لؤي

شكرا للزيارة
وأتمنى أن تعلق على بعض المواضيع دليلاً على القراءة
وأتمنى أن يعجبك بعضاً من هذه الهلوسات والخربشات المجنونة بعقل

شكرا وسأزور مدونتك إن شاء الله
ياسر
ودمتم
بخير

انا من ديردبوان ولكن الظروف حتمت علي ان اعيش في الاردن وعجبني المقال وشكرا

الدبواني

شكرا للزيارة ويا هلا بيك

دمت بخير

أول شي حاب اشكر الاخت الفلسطينة على المعلومات الي قدمتها عن رام الله وحاب احكي أحكي انو ابي من النازحين عام 67 بس أنا بحمل الهوية الفلسطينية عن طريق أمي لكن بسبب الظروف المعيشية والاستقرارفي الاردن لا استطيع ان اسافر الى فلسطين الا بصعوبة لذلك انا مشتاق الى فلسطين بشكل عام والى بلدي بشكل خاص (ديردبوان) لذلك حاب احصل على صور لبلدي ومش عارف كيف فياريت اتساعدوني وايملي هو ua2-osama@hotmail.com وشكرا الكم كثير

الدبواني

إنشاء الله بنقدر نساعد أنا أو الفلسطينية وقريبا نراسلك


دمت بخير

بعد التحيه والسلام انا دبوانيه ومن بلده ديردبوان ويلى هي من قرى شرق رام الله وأهل بلده ديردبوان والي كان اسمها سابقا تل عاي هيما مغتربين معظمهم سكان أمريكا بس هيما مش لاجيئين بمعنى آخر ديردبوان ليست من القرى المهجره وبتهيائلي مافي بفلسطين الا بلده وحده اسمها ديردبوان ويلى بلدي

بنت فلاحة

بنت دبوانية

بعرف دير دبوان فعلا
بلدة حلوة كثير كثير

زرتها أكثر من مرة
لأنه لي بها أقارب من طرف الوالدة

وبعرف أنه أكثر أهلها في أمريكا وخاصة في سكرمنتو ........... كاليفورنيا
وغيرها

دمت بخير

مساء الخير للجميع وبخص بالذكر لاهل ديردبوان انا بشرفني اكون دبواني وانا مقيم بديردبوان وبفتخر فيها وبحب انوه لاصدقائي الي من دييردبوان انهم
عند ما يجكو عن انفسهم من ديردبوان ما يحكو عن امريكيا شي لانو مش فخر النا
وبخص بالحكي للدبوانيه الي شرحت عن ديردبوان مع اني كنت مقيم بامريكيا بس ما بفتخر في ذالك
وهذا ايميلي للجميه
yaqoub_1976@yahoo.com

مسسسا النور الك وللجميع.... يعني يمكن رجعت قراءت الي كنت كاتبته
تحت اسم بنت فلاحه أكثر من عشر مرات لحتى الأكي كلمه فخر متل ما انتا بس مالكيتش كل الي حكيتو توضيح بسيط انه معظم اهل ديردبوان مغتربين مش لاجيئين وهاي حقيقه الكل بلمسها على ارض الواقع بسسس ازا بدك نفتخر ولابد بامريكا بنفتخر انه بالرغم منه الجيل الجديد من اولاد ديردبوان جزء كبير منهم نولد وترعرع في اميركا بسس مع هذا ظلت البلد وأهلها وين ماكانوا بالمغترب او البلاد محافظين ع دينهم وعاداتهم وتقاليدهم وهالشششي الفخر بفتخر فيه يابلدياتي.......وبالاخير فخر النا الجميع انا فلسسسطينيه وبيسسري بعروقنا دم واحد. :)

مسسسا النور الك وللجميع.... يعني يمكن رجعت قراءت الي كنت كاتبته
تحت اسم بنت فلاحه أكثر من عشر مرات لحتى الأكي كلمه فخر متل ما انتا بس مالكيتش كل الي حكيتو توضيح بسيط انه معظم اهل ديردبوان مغتربين مش لاجيئين وهاي حقيقه الكل بلمسها على ارض الواقع بسسس ازا بدك نفتخر ولابد بامريكا بنفتخر انه بالرغم منه الجيل الجديد من اولاد ديردبوان جزء كبير منهم نولد وترعرع في اميركا بسس مع هذا ظلت البلد وأهلها وين ماكانوا بالمغترب او البلاد محافظين ع دينهم وعاداتهم وتقاليدهم وهالشششي الفخر بفتخر فيه يابلدياتي.......وبالاخير فخر النا الجميع انا فلسسسطينيه وبيسسري بعروقنا دم واحد. :)

هااااااي شبااااااااب هااااي صبااايا انا طارء من مدينة نابلس انا اول مره بشوف دير دبوان طبعا على النت ورحت شفتها مره وحده على ارض الواقع وبحكي انو كتير حلوه بس لو يكونو شو وطنيه او عندهم روح من الوطنيه سلامي الكون كلكون من ابن مجموعات فارس الليل الجناح العسكري لحركة فتح mlw_more1966@hotmail.com :) :) :) :) :) :) :)

مرحباانا دبوانية ومقيمةفي الاردن حابب اشوف بلدي